Tilhögun ökunámsins

Þegar náð hefur verið sextán ára aldri getur ökunám hafist. Þá er haft samband við ökukennara, sem upplýsir um hvernig framvinda námsins gengur fyrir sig.


Samkvæmt reglum þarf að taka 10 kennslutíma hjá ökukennara (45 mín. hver) og fyrri hluta ökuskólans (Ö1, tekinn á netinu eða í Ökuskólanum í Mjódd)) áður en hægt er að sækja um æfingarleyfi hjá Sýslumanninum á Höfuðborgarsvæðinu  Hlíðarsmára 1, Kópavogi (sem sér um útgáfu æfingarleyfa fyrir Höfuðborgarsvæðið), eða hjá sýslumönnum úti á landi, sem sjá um sín umdæmi.


Þá má hefja æfingarakstur með foreldri/foreldrum, eða öðrum sem uppfylla ákveðin skilyrði þ.e. orðin 24 ára og hefur haft bílpróf í 2 ár. Ca. 1-2 mánuði fyrir 17 ára afmælisdaginn (eða fyrr) er tímabært að taka síðari hluta ökuskólans Ö-2 (hægt að taka hann á netinu eða í Ökuskólanum í Mjódd)  Og í framhaldi af því pantað skriflegt ökupróf hjá Frumherja hf., Þarabakka 3, Rvk. , í síma 570-9070, eða á senda póst á This email address is being protected from spambots. You need JavaScript enabled to view it., sem annast ökupróf fyrir Samgöngustofu.

Svo þarf að taka  ökuskóli 3 (Ö3) sem er æfing í skrikakstri (hálkuakstri), upplifun í veltibíl og bóklegt nám þessu tengt. Fyrir nemendur á Höfuðborgarsvæðinu fer Ö3 fram á sérstöku æfingasvæði á Álfhellu Hafnarfirði. (finna staðsetningu á ja.is)  Taka þarf lágmark 12 kennslutíma áður en farið er í Ö3.   Ljúka þarf við Ö3 áður en farið er í verklegt (aksturs) ökupróf .

Þá er farið í síðustu verklegu (aksturs) tímana hjá ökukennaranum. Skriflega prófið tekið hjá Frumherja hf. Þarabakka 3, Rvk. sími 570-9070 (má taka 2 mán. fyrir 17 ára afmælisdaginn), og þegar því hefur verið náð, sér ökukennarinn um að panta tíma í verklegt próf (má taka allt að 2 vikum fyrir afmælisdaginn).

Eftir að verklega prófinu er náð, afhendir prófdómari nemandanum ökuskírteinið (sem gildir frá 17 ára afmælisdeginum hafi honum ekki verið náð) og nýji ökumaðurinn getur hafið akstur á eigin vegum, að sjálfsögðu með ýtrustu varúð og gætni.

Ef frekari upplýsingar vantar, þá er það auðsótt mál að fá þær.  Bara hringja í s. 892-9171 eða senda tölvupóst á This email address is being protected from spambots. You need JavaScript enabled to view it.

Aðrar greinar í þessum flokki: « Ökukennarinn Æfingaverkefni »
×

TOP